“Өдрийн сонин”-ы даваа гаригийн дугаар 20 нүүрээр хэвлэгдэн гарлаа. Манай уламжлалт “Танайд өнжье” буланд “Багш болохоор Ховдоос хотод ирсэн А.Даваадоржийн нэг өдөр”-ийг онцоллоо. Шинэхэн оюутны нэг өдрийг 12, 13 дугаар нүүрээс сонирхоорой. Улстөрийн мэдээллийн хоёрдугаар нүүрт УИХ-ын гишүүн Л.Эрдэнэчимэгтэй хийсэн “70 тэрбумыг гурван компанид өгөхөөр вексель бичсэн байсныг шалгахаар болсон” хэмээх ярилцлага нийтлэгдлээ. Тэгвэл Баримт, үзэл бодлын гуравдугаар нүүрт “Ази, Номхон далайн бүс нутгийн хүний эрхийн байгууллагуудын хурал монголчуудад хамаагүй бололтой” хэмээх нийтлэл гарлаа. Саяхан болж өнгөрсөн энэхүү хурал хөндий, хаалттай, мэдээлэл олж авах боломжоор ядмаг болжээ. Үнэндээ манайхан өөрсдөө ч анхаарал хандуулсангүй бололтой. Үнэний дуу хоолой болсон “Өдрийн сонин” олон нийтлэлээрээ хүний эрхийг хамгаалж ирсэн. Гэтэл хүний эрхийн байгууллагуудын хурал үндсэндээ бидэнд төдийлөн хамаатай биш тэр байтугай ихэнх илтгэл англи хэл дээр тавигдсаныг шүүмжилсэн юм.
“Хилийн хяналтын бүсэд 160 ам.доллараар зарсан сэтгүүлийн хэргийг АТГ шалгах бололтой” эрэн сурвалжлах материалыг нэгдүгээр нүүрээс долдугаар нүүрт дамнуулан нийтлэв. Уг хэрэгт холбогдолтой албан тушаалтнууд болон бусад олон баримтыг үүнээс уншиж болох юм. Эх хүүхдийн эрүүл мэндийн үндэсний төвийн хашаанд Хүүхдийн цусны эмгэг хавдрын эмнэлэг бий. Уг эмнэлгийг Ажиа гэгээний санаачилгаар Америкт байгаа монголчуудын хандиваар барьсан юм. Түүнчлэн Ажиа гэгээний дэлхий дахинд байгаа шавь нар, нийт монголчуудын өглөг ч нэлээд байсан. Тус эмнэлгийнхээ дэргэдэх “Энэрэл нигүүлсэл оюун билгийн төв” дээрээ байхад нь “Өдрийн сонин”-ы сурвалжлагч уулзан сонирхолтой ярилцлага хийжээ. Ярилцлагаа хүүхдийн эмнэлэг болоод тус эмнэлэгтээ япон эмч авчирсан зэргээ хүүрнэжээ. Мөн түүнчлэн цаашдаа сургууль байгуулах хүсэлтэй байгаагаа дурдсан байна. Энэ мэтчилэнгээр байгаль дэлхийтэйгээ хэрхэн харилцах, энэрэл нигүүлсэл гэж юу болох, хойд дүрийн талаар илэн далангүй ярилцжээ. Уг ярилцлагыг “Өдрийн сонин”-ы маргаашийн дугаарын 11 дүгээр нүүрээс сонирхох боломжтой.
Түүнчлэн боловсрол, спорт, эдийн засгийн ярилцлага, цаг үеийн мэдээлэл хэвлэгдлээ.
“Өдрийн сонин”-ы эрхэм уншигч та, манай өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно. “Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлаж болох ба захиалaхыг хүсвэл 9911-2954, 8811-1375 дугаарт холбогдоно уу. Хэрэв цахим хэлбэрээр нь захиалахыг хүсвэл 8807-1920 дугаарт холбогдож дэлгэрэнгүй мэдээллийг лавлаарай.
“ӨДРИЙН СОНИН” ӨГЛӨӨ БҮХНИЙ УРГАХ НАРНААР ТАНТАЙ ХАМТ