Олон улсын хүүхдийн VI наадам ОХУ-ын Буриад улсын Кабаны районы Байгаль нуурын эрэг дээрх “Энхалук” зуслангийн Биеийн тамир, спортын цогцолборт болж байгаа билээ.
БНХАУ, Монгол, ОХУ-ын хөвгүүд, охид өрсөлдсөн чөлөөт бөхийн тэмцээнд манай улсаас тус бүр эрэгтэй, эмэгтэй есөн хүүхэд Багануур дүүргийн Биеийн тамир, спортын хорооны дасгалжуулагч Н.Ариунболд, “Ховд нутгийн бөх” дэвжээний дасгалжуулагч Г. Гантогтох нарын удирдлага дор оролцож байна.
Өчигдөр болсон охидын 44 кг-ын жинд Архангай аймгийн бөх Ширбазарын Шүрэнцэцэг алт, хөвгүүдийн 46 кг-ын жинд 1 мөнгө, хөвгүүдийн 54 кг-ын жинд Орхон аймгийн “Ирээдүйн одод” спортын дунд сургуулийн бөх Бямбасүрэнгийн Бат-Эрдэнэ, охидын 62 кг-ын жинд Налайх дүүргийн Баярбаатарын Сарнай нар хүрэл медаль хүртжээ.
МУБИС-ийн Биеийн тамир, урлагийн сургуулийн багш, олон улсын шүүгч Х.Чойжилжав тус тэмцээний шүүгчээр оролцсон байна.