Цаг агаарын нөхцөл байдлаас шалтгаалж улс хоорондын болоод орон нутгийн
хэд хэдэн нислэг хойшлогджээ. Хойшилсон нислэгүүдийг хугацаанаас нь
хоёр цагийн дараагаар нисгэх төлөвлөгөөтэй байна.
Тухайлбал, өнөөдөр өглөө нислэг үйлдэх байсан Истамбул, Эрээн,
Даланзадгадын нислэг хойшлогдсон байгаа бөгөөд эх сурвалжийн хэлснээр
Истамбулын нислэг гэхэд 11.00 цаг хүртэл хойшилжээ.
Мөн Улаанбаатараас гарах орон нутгийн хоёр нислэг саатсан бол орон
нутгаас Улаанбаатар руу ирэх гурван нислэг саатаж, хөөрөх хугацаагаа
хойшлуулсан мэдээлэл байна.