Монголын хамгийн олон уншигч, захиалагчтай үндэсний хэмжээний өдөр тутмын хэвлэл “Өдрийн сонин”-ы пүрэв гаригийн дугаар танд хүрч байна. Энэ дугаарт улс оронд болоод дэлхий дахинд өрнөсөн олон үйл явдал багтлаа. Тухайлбал, тариа буудайны хэрүүл хийж байх хойгуур гурил, гоймонгийн хомсдол орж байгаа талаар өдрийн сурвалжлага бэлтгэлээ.
УИХ-ын ээлжит бус чуулганаар Өршөөлийн тухай хуулийг баталсан билээ. Энэ талаар Ерөнхийлөгч өөрийн үзэл бодлоо илэрхийлсэн байна. Төрийн тэргүүн хуулийн төлсийн талаар ямар байр суурьтай байгааг өнөөдрийн дугаараас уншаарай.
Улс төр нүүрнээс УИХ-ын гишүүн О.Баасанхүүгийн ярилцлагыг тольдох боломжтой. Мөн улстөрийн хүрээнд өрнөсөн үйл явдлуудыг ч хүлээн авч уншаарай.
Нийтлэлийн бодлогоороо нийгэмд жин дардаг Баримт, үзэл бодол нүүрт нэрт нийтлэлч Б.Цэнддоогийн “Даншиг ба “нутаг болдоггүй” Улаанбаатар” нийтлэл хэвлэгдлээ.
Цаг үе нүүрт Монголын ахмадын чөлөөт холбооны тэргүүн Г.Баасангийн “Хэрсүү ухаант эрхэм хүмүүс” нийтлэл хэвлэгдсэн байна.
Өчигдөр болсон гол үйл явдлын нэг бол оюутан цэрэг тангараг өргөх ёслол байлаа. Чингэсийн талбайд 1000 оюутан эгнэн зогсч, төрийн далбаандаа хүндэтгэл үзүүлэн, тангараг өргөцгөөсөн юм.
Пүрэв гаригийн энэ дугаарт олон сонирхолтой ярилцлага нийтлэгдсэн байгаа. “Гайс” хамтлагийн дуучин А.Төгсбаярын ярилцлага нийтлэгдлээ. Тус хамтлаг энэ сарын 28-нд фэнүүдтэйгээ уулзахаар болжээ. Тоглолтын сонин хачин хийгээд хамтлагийн уран бүтээлийн тухай энэ дугаараас уншаарай.
Ойрын өдрүүдэд ихэнх нутгаар бороотой байх ажээ. Цаг агаарын урьдчилсан тоймыг зөвхөн “Өдрийн сонин”-ы өнөөдрийн дугаараас дэлгэрүүлэн унших боломжтой.