Азийн ихэнх орнуудад хэт халуун үргэлжилж байна. Өнгөрсөн өдрүүдэд Японд хэт халууны улмаас 15 мянга орчим хүн эмнэлгийн түргэн тусламж авчээ. Харамсалтай нь 32 хүн амь насаа алдаад байна. Халууны улмаас эмнэлэгт хандаж байгаа хүмүүсийн тоо тус улсын нийслэлд их байгаа бөгөөд өндөр настан, хүүхдүүд илүүтэй өртөж байгаа гэнэ. Өнгөрсөн хоногт Японы хотуудад агаарын хэм 36-39 хэм хүрчээ.
Холбогдох байгууллагуудын зүгээс ирэх сарын 15-ныг хүртэл ард иргэдээ анхаарал сэрэмжтэй байж, өдрийн цагаар төдийлөн гадуур явахгүй байхыг сануулж, шингэн зүйл ууж, хүүхэд хөгшдөдөө анхаарал хандуулахыг зөвлөжээ. Цаг агаарын урьдчилсан төлөвөөр Японд энэ долоо хоногийн сүүлчээр агаарын хэм 26 болж буурах ч дахин халах магадлалтай байгаа аж.
Д.САР