Монголын сагсан бөмбөгийн спортын ууган мастеруудын нэг, сагсан бөмбөгийн нэрт зүтгэлтэн, МҮОХ-ны гишүүн Д.Содномзундуйн хөшөө Хандгайт дахь Монголын Үндэсний сагсан бөмбөгийн Олимп Цогцолборт сүндэрлэлээ.
Хөшөөний нээлтийн үйл ажиллагаанд түүний гэр бүл, түүнтэй хамт Монголд сагсан бөмбөгийн спортын тулгын чулууг тавилцсан үе үеийн ахмадууд, түүний найз нөхөд, шавь нар болон одоо цагийн шилдэг тоглогчид хүрэлцэн ирж, хүндэтгэл үзүүллээ.
Энэ хөшөө нь Монголын сагсан бөмбөгчдийн хувьд анхны түүхэн үйл явдал болж байгаа бөгөөд цаашид ч олон олон шилдэг тамирчид, зүтгэлтнүүд төрөн гарахыг бэлгэдэж байгаа юм.
