Жил болгон зохион байгуулагдахаар болж
байгаа “Даншиг наадам – Хүрээ цам – 2015”-ын хүчит бөхийн барилдааны
тавын даваа эхэллээ. Бөхийн барилдаанд нийт 256 бөх төрийн наадмын цол
харгалзахгүйгээр сугалаагаар барилдаж байна. Монголын Бурхан шашинтны
төв Гандантэгчилэн хийдийн тэргүүн Хамбын шийдвэрээр түрүүлсэн бөхөд
Даншгийн Арслан, үзүүрлэсэн бөхөд Даншгийн Заан, зургаа давсан бөхөд
Даншгийн чимэгтэй Начин, тав давсан бөхөд Даншгийн Начин цолыг тус тус
олгож, үнэмлэх тэмдгийг гардуулах юм. Энэхүү олгосон цол нь зөвхөн
“Даншиг – Хүрээ цам” наадамд л хүчин төгөлдөр үйлчилнэ.
Харин яг одоо начин цол олгох тавын даваа эхэлсэн байна.
