Ерөнхий сайд Ч.Сайханбилэг МАН-ын зургаан сайдыг огцруулах хуулийн төсөл өчигдөр УИХ-д өргөн барьсан. Уг асуудлаар Төсвийн байнгын хорооны хуралдаж, МАН-аас Сангийн сайдаар томилогдсон Ж.Эрдэнэбатыг үүрэгт ажлаас нь чөлөөлөхийг дэмжив.
Эдийн засгийн байнгын хороогоор Зам тээврийн сайд Н.Төмөрхүү болон Барилга хот байгуулалтын сайд Д.Цогтбаатар нарын асуудлыг авч хэлэлцлээ. Хуралдаанд 11 гишүүн оролцсоноос зургаа нь Зам тээврийн сайд Н.Төмөрхүү болон Барилга хот байгуулалтын сайд Д.Цогтбаатар нарыг чөлөөлөхийг дэмжлээ.
Мөн Нийгмийн бодлого, боловсрол, соёл, шинжлэх ухааны байнгын хорооны 13 гишүүнээс 11 нь Хөдөлмөрийн сайд С.Чинзоригийг огцруулах зүйтэй гэж үзлээ.