Зам засварын ажил 10 сарын нэгэнд дуусахтай зэрэгцүүлэн түүнээс урьтаж өвлийн бэлтгэл ажлыг хамтатган хийнэ. Автозамын өвлийн бэлтгэлийн ажлыг нийслэлийн автозамын газар нийслэлийн захирагчийн ажлын алба болон улаанбаатар нэгтгэлтэй хамтран хэрэгжүүлэх юм.
Наадмын дараанаас намар гэдэг. Энэ жилийн хувьд урин дулаан цагт нийслэл хотод зам засвар шинэчлэл өргөтгөлийн ажлыг эрчимтэй хийсэн. Тун удахгүй өвөл цаг хаяанд ирнэ. Хэн хүнгүй өвлийн улиралд бэлдэн өвлийг давах гэж чамгүй хөлс хүч, хөрөнгө мөнгө зарцуулдаг. Өвлийн улиралд хамгийн хүндрэл бэрхшээлтэй асуудлын нэг бол авто зам. Халтиргаа гулгаа, хөлдөлт гэсэлт гээд автозам дээр яригдах асуудал цөөнгүй.
Харин энэ жилийн хувьд авто зам дээр өвлийн бэлтгэл ажлыг нийслэлийн захирагчийн ажлын алба болон Улаанбаатар нэгтгэлт, нийслэлийн автозамын газартай хамтран цэвэрлэгээний ажил болон байгалийн гамшигт үзэгдэл болсон үед засварлах хөрөнгийг тусган бэлтгэл ажлуудыг хамтран хийх юм.
Нийслэлийн автозамын газрын орлогч дарга Д.Баясгалан хэлэхдээ “Энэ жилийн зам засварын ажлын гүйцэтгэгч компаниуд стандартын дагуу чанарын өндөр түвшинд хийж гүйцэтгэж байгаа билээ. Өвлийн улиралд зам дээр цаснаас үүдсэн хальтаргаа гулгаа хүндрэлтэй асуудал. Гэсэн хэдий ч эдгээр цэвэрлэгээ болон зам нөхөх зэрэг ажлуудыг цаг тухай бүрд нь засварлан хяналт тавин ажиллах юм.” гэсэн байна.