Энэтхэгчүүд ХVI зууны үеэс корма хэмээх халуун ногоогүй, өтгөн соусыг бэлтгэдэг болсон бөгөөд энэ соусыг одоо хүртэл тэр үеийнх нь жороор хийдэг байна.Корма соусыг хийх гол орц нь йогурт буюу тараг юм.
Таргийг зөөлөн гал дээр гашилгахгүйн тулд тасралтгүй хутган халаах бөгөөд дээр нь махны шөл, нунтагласан самар, үрсэн кокос болон амтлагчууд нэмнэ.
Энэ соусыг олон төрлийн хоолонд хэрэглэдэг аж. Зөвхөн Энэтхэгт төдийгүй хөрш Пакистан, Бангладешт корма соус нь өөр олон хоолны үндсэн жор болдог. Одоо ямааны махтай карриг хэрхэн бэлтгэхийг сонирхуулъя.
Орц: Ямааны цул мах-600гр, үрлэн гич-цайны халбагаар нэг, кешью самар-100гр, цагаан гааны үндэс-20гр, сармис-хоёр хумс, бөөрөнхий сонгино-гурван ширхэг, нимбэг-нэг ширхэг, кинза, укроп-нэг багц, хатаасан кокос-хоолны халбагаар хоёр, ка р р и-хо о л н ы ха л ба га а р хоёр, давс, чинжүү-өөрийн амтлахаар
1 .Махаа том хэрчээд хайруулын тавганд шаргал өнгөтэй болтол нь хэдэн минут шарна.
2.Шарсан махан дээрээ цагаан гаа, сармис, гич, карри, кокос, нимбэгний шүүс нэмээд зөөлөн гал дээр 40 минут орчим жигнэнэ.
3 .Махаа болохоос 20 минутын өмнө том хэрчсэн сонгино, кешью самар, давс, чинжүүгээ нэмээрэй.Бүх хольцоо сайтар хутгаад болтол нь жигнэнэ.
4.Бэлэн болсон хоолоо кинза, укропоор чимэглээд будаатай өгч болно.
Гэрийн нөхцөлд хэрхэн зайрмаг хийх вэ?
Зайрмагийг дурлалт хосуудын идээ гэдэг. Харин энэ идээнд мөнгө үрэхгүйгээр гэрийн нөхцөлд хялбархан хийж хайртай хүнээ баярлуулах аргыг зөвлөж байна.
Өөрсдөө хийсэн зайрмаг дэлгүүрийн зайрмагнаас илүү амттайг мэдрээрэй.
Орц: Гадил жимс-3 ширхэг, шоколад-100гр, элсэн чихэр -50гр, цөцгий -250 гр, нимбэгний шүүс-өөрийн амтлахаар
Бэлтгэх арга: Гадил жимсээ цэвэрлээд жижиг хэмжээтэй хэрчинэ. Дараа нь элсэн чихэр, нимбэгний шүүстэй нийлүүлж нухаш болтол нь хутгана. Хутгагч миксер байвал зүгээр шүү. Бий болсон холимогт хутгасан цөцгийгөө хийгээд крем маягийн паст болтол нь хутга. Үүний дараа бэлтгэсэн том хундаганд хийгээд гурваас дөрвөн цаг хөргөгчинд тавина. Хөлдсөний дараа усны ууранд хайлуулсан шоколадаар чимэглээрэй. Мөн амтат зайрмагандаа нэр өгч болно шүү дээ.
Жүржийн шүүстэй луувангийн салат
Франц үндэсний гал тогооны нууцуудын нэг бол бэлтгэх зоогийнхоо орцонд архи, дарс оруулдаг явдал ю м . Жишээ нь, хөөлгөсөн амтат кексийг дарсаар норгох, махыг архинд дэвтээх,шөл болон жигнэсэн хоолонд бага зэрэг архи хийх зэрэг нь хоолыг сайхан үнэртэй болгохоос гадна арай өөр, онцлог амттай болгодог байна. Франц тогооч нар махыг улаан дарсанд, харин загасыг цагаан дарсанд дэвтээх юм уу махан дээр цацаж өгдөг. Дашрамд сонирхуулахад, франц тогооч таны зоогийг бэлтгэхдээ улаан гал дүрэлзүүлэн шарж өгөх юм бол энэ нь махыг өндөр хэмтэй архиар норгосонтой холбоотой. Гал дүрэлзүүлэн хоол хийх ур чадварыг гайхахын зэрэгцээ ингэж шарсан мах ер бусын амттай байхыг мэдрэх сайхан биш гэж үү. Харин одоо жүржийн шүүстэй луувангийн салат хийхийг зөвлөе.
Орц: лууван-есөн ширхэг, цөцгийн тос -50гр, элсэн чихэр-хоолны халбагаар нэг, нунтаг шанцай (cinnamon)-хоолны халбагаар нэг, карри-цайны халбагаар тал, жүржийн жүүс-250гр, чили соус-нэг дусал, гаа-гурван салаа
1.Цөцгийн тосыг том саванд хайлуулна.
2.Тосонд элсэн чихэр, шанцай, карри нэмж, дугуй хэлбэрээр хэрчсэн лууван хийнэ.
3.Лууванд амтлагчуудын амт орохоор сайтар хутгаж өгөөрэй.
4.Одоо ногоотой савандаа жүржийн шүүс болон чили соус нэмж буцалгана.
5.Лууван дөнгөж буцлангуут галаа багасгаж, зөөлөн гал дээр 20-25 минут жигнэнэ.
6.Салатыг гаргахаас таван минутын өмнө жижиглэн хэрчсэн гааны навч нэмнэ.
7.Хэрвээ хүсвэл бэлэн болсон луувангийн салатыг шарсан тахиа юм уу, хэрчсэн үхрийн махтай өгч болно.
Бэлтгэсэн
Н.Энхмөнхтуяа