Төв цэнгэлдэх хүрээлэнд түргэн тусламжийн хоёр машинд 2 сувилагч, 2 эмч ажиллаж байна.
Энэ жил их халуун байгаагаас даралт ихэслээ, хамраас цус гоожлоо
гэсэн иргэд их байна. Эдгээр иргэдэд сувилагч нар хүйтэн жин тавьж,
шаардлагатай бол тариа хийж байна.
“Зарим эцэг эхчүүд өөрсдөө малгай өмссөн хэрнээ хүүхдүүддээ юу ч
өмсүүлээгүй явж байна, хурц нар шарж байгаа болохоор настайчуул гэлтгүй
залуу хүмүүс ч олон ирлээ. 12 цагийн байдлаар 6 хүнд үйлчилгээ үзүүлсэн”
гэж түргэний эмч ярилаа.
Төв цэнгэлдэх хүрээлэнгийн яг дэргэд нэг машин, сур харваа, шагайн харваан асрын голд хоёр дахь түргэний машиныг байрлуулжээ.