Хууль зүйн сайдын тушаалаар хуульчийн мэргэжлийн шалгалтыг ирэх есдүгээр сарын 18-20-нд авахаар болжээ. Өнөөдрийн хувьд шалгалт өгөхөөр 165 хүн бүртгүүлжээ. Хуульчийн шалгалт нь сорилгын ба бодлогын гэсэн хоёр хэсгээс бүрдэх юм байна. Бүртгэл энэ сарын 3-наас ирэх сарын 18-ныг хүртэл үргэлжлэх гэнэ. Өнгөрсөн оноос шалгалтыг цахимаар авдаг болжээ. 1698 эрх зүйч шалгалт өгөхөөр бүртгүүлснээс 1506 хүн сорилгын шалгалтад оролцож, 342 нь босго оноог давсан байна. Хуульчдыг сонгон шалгаруулах, мэргэжлийн гэрчилгээ олгох ажлыг 2004 оноос эхлүүлж, 2012 онд Хуульчийн эрх зүйн байдлын тухай хуулийг баталснаар тус шалгалттай холбоотой эрх зүйн зохицуулалтыг шинэчилжээ.