Ойрхи Дорнодод хяналтаа тогтоохыг санаархаж буй хэт даврагч “Халифын вант улс” бүлэглэл ганцхан жилийн дотор 3000 хүн цаазалсан байна. Хэт даврагчид 10-18 насны 74 хүүхэд, 86 эмэгтэйг цаазалжээ. Зөвхөн цаазын ялаар 3000 хүнийг хороосон байна. Харин дайн тулаан, халдлагаар 10 мянга орчим хүний аминд хүрчээ.
НҮБ-ын ерөнхий нарийн бичгийн дарга Бан Ги Мүн хэт даврагчдад хандаж, гэмгүй иргэдийг хохироохгүй байхыг уриалж, “Нэг нэгнээ хайрлах нь хүний ёс. Бусдаас харгис байх нь ёс бус” гэж мэдэгджээ. Энэ долоо хоногт хэт даврагчид ижил хүйстэн гэх 19 залууг өндөр барилгаас шидэж цаазалжээ. Исламын шашнаас урвасан хэмээн 21 эмэгтэйг дүүжилсэн байна.