УИХ-ын чуулганы үдээс хойшхи хуралдаан үргэлжилж, Зөрчлийн тухай хуулийг хэлэлцэж байна. Засгийн газраас өргөн мэдүүлсэн энэхүү хуулийн төслийн хүрээнд Захиргааны хариуцлагын тухай хууль болон бусад харилцааг зохицуулсан 220 гаруй хуулиар тогтоосон захиргааны зөрчил, түүнд хүлээлгэх захиргааны хариуцлагыг тодорхойлсон хэм хэмжээг төрөлжүүлэн нэгтгэсэн юм.
Дашрамд дурдахад, энэ хуулийн төсөлд хэвлэн нийтлэхтэй холбоотой, сэтгүүлчдэд хамаарах хэд хэдэн заалтыг ялгаж тусгасан байгаа. Тухайлбал тодорхой албан тушаалтныг гүтгэх, түүний эд хөрөнгөтэй холбоотой мэдээлэл гаргавал Зөрчлийн хуулиар шийдэж шийтгэл оноох тухай заалтууд орсон байгаа юм.
Төсөлтэй холбогдуулан гишүүд асуулт асууж байна.