Төв цэнгэлдэх хүрээлэнд энэ жил 1.2 тэрбум төгрөгийн санхүүжилтээр
хиймэл зүлэг тавьж буй юм. Монгол бөхийн холбооныхон энэ зүлгэн дээр
туршилтын барилдаан хийлгэж, халтиргаа, гулгаа багатай, бэртэл гэмтэл
авах нь гайгүй гэж үзжээ.
Наадмаар л бөх барилддаг биш жилийн дөрвөн улирлын туршид Төв
цэнгэлдэхийг ашиглалттай болгохоор холбогдох албаныхан зорьж байгаа аж.
Тиймээс энэ сарын 20 гэхэд хиймэл зүлгийг дэвсч дуусах юм байна. Улмаар
энэ сарын 25-наас наадмын нээлтийн арга хэмжээний бэлтгэл эхлэх аж.
Дээрх ажлын хүрээнд цэнгэлдэхийн талбайг бүрэн бетондож дууссан бөгөөд зөөлөвч болон зүлэг дэвсэх ажил дутуу байгаа юм байна.