Жуулчны аюулгүй байдлыг хангах зорилгоор нийслэлийн Аялал жуулчлалын газар, Зочид буудлын холбоо хамтран зочид буудлын аюулгүй байдал, хамгаалалт, гамшгийн эрсдэлийн менежментын сургалтыг 2013 оноос эхлэн жил бүр зохион байгуулж ирсэн. Өнгөрсөн жил “Корпорейт хотел энд Конвэйшн центр” зочид буудалд “Гамшиг, аюулт үзэгдэл, техникийн холбогдолтой ослоос урьдчилан сэргийлэх нь” үзүүлэх сургалтыг зохион байгуулж байсан бол энэ жил “Зочид буудлын аюулгүй байдал, хамгаалалт, гамшгийн эрсдэлийн менежмент” сэдэвт сургалтыг “Улаанбаатар” зочид буудалд зохион байгууллаа. 2016 онд Улаанбаатар хотод болох АСЕМ – ын дээд хэмжээний уулзалт зохион байгуулахтай холбогдуулан тус арга хэмжээний зочид төлөөлөгчдийг хүлээн авах буудлуудын ажилчдыг энэ удаагийн сургалтад хамрууллаа гэж Нийслэлийн Аялал жуулчлалын газраас мэдээллээ.