Ашигт малтмалын газраас өнгөрсөн дөрөвдүгээр сард нийт 170 гаруй мянган га талбайд, ашигт малтмалын хайгуулын 66 тусгай зөвшөөрөл олгосон байна. Хоёрдугаар сараас хойш нийтдээ 119 тусгай зөвшөөрөл олгосон болохыг мэдээлэв.
Ер нь Уул уурхайн яамнаас 31 сая га талбай буюу нийт нутгийн 19.9 хувьд хайгуулын тусгай зөвшөөрөл олгохоор шийдвэрлэсэн байна. Үүнээс 20.9 сая га талбайд өргөдлийн журмаар тусгай зөвшөөрөл олгох аж. Одоогоор олгогдоод байгаа нийт хайгуулын тусгай зөвшөөрөл нутаг дэвсгэрийн 6.9 хувийг эзэлж байгаа юм байна. Харин ашиглалтын тусгай зөвшөөрлийн хувьд дөрөвдүгээр сарын олгогдсон байдлаар гуравны нэг нь алтны орд, 18 хувь нь нүүрсний орд байгаа гэнэ. Түүнчлэн ашиглалт болон хайгуулын тусгай зөвшөөрөл эзэмшигчдийн дөрөвний гурав нь дотоодын хөрөнгө оруулалттай, 17 хувь нь 100 хувь гадаадын хөрөнгө оруулалттай компани байгаа ажээ.