Германы хойд хэсэгт торнадо дэгдэж, их хэмжээний хохирол учруулжээ. Торнадо шуурганы улмаас нэг хүн амь үрэгдэж, 30 хүн гэмтэж бэртсэн аж. Германы Бютцов хотноо хүчтэй хар шуурганд автомашинууд 70 метр орчим зайд шидэгдэж, байшин барилгын дээвэр хууларчээ. Шуурганы үеэр Бютцов хотын онцгой байдлын албаныхан олон зуун дуудлагад дарагдсан байна.
Түүнчлэн Германы Гамбург хотноо автомашин дээрээс шуурган хийссэн зүйл унаснаас 26 настай эрэгтэй нас барж, хөл хүнд найз бүсгүй нь гэмтсэн аж. Хүчтэй шуурга, аянга цахилгааны улмаас автобус, галт тэрэгний үйлчилгээг зогсоосон байна. Германы хэвлэлд мэдээлснээр хойд хэсгийн нутгаар торнадо шуурганы хүч 33 м/с хүрсэн гэжээ.