Балба улсад өнгөрсөн сард болсон аймшигт газар хөдлөлтийн талаарх мэдээлэл ирсээр байна. Хамгийн сүүлд авсан мэдээллээр амиа алдагсдын тоо 7200-д хүрчээ. Гамшигт нэрвэгдсэн бүс нутагт хүмүүнлэгийн тусламж үзүүлэх ажил үргэлжилж, олон улсын амласан тусламжууд хэдийнэ очоод байгаа юм.
Тэгвэл газар хөдлөлтийн үеэр олон арван өнчин хүүхэд аврагдсан тухай “Huffington Post” мэдээллээ. 19 настай Ишвор Гимире хүү газар хөдлөлтийн үеэр орон нутгийн 55 өнчин хүүхдийг аварсан байна.
Газар хөдөлж эхлэх үед тэрээр айж сандралгүйгээр барилгаас хүүхдүүдийг нэг нэгээр нь зөөж гаргажээ. Одоогийн байдлаар түүний аварсан 4-16 насны 55 хүүхэд эсэн мэнд байгаа бөгөөд бусад хүмүүсийн хамт майханд толгой хоргодож буй аж.
