“Өдрийн сонин”-ы мягмар гаригийн дугаар 16 нүүрээр хэвлэгдэн уншигчдынхаа гарт хүрч байна. Энэ өдрийн дугаарт гарсан нийтлэл, сурвалжлага, ярилцлагаас онцолж, тоймлон хүргэе.
Манай сэтгүүлч Ц.Баасансүрэн томилолтоор явж, Төв аймгийн Жаргалант сумын тариаланчидтай уулзан сурвалжлага бэлтгэлээ. Жаргалантын тариаланчид тариалалтаа эхлэхэд бэлэн болчихож. Ирэх сарын 3-наас улаанбуудайн тариалалт эхлэх юм байна. Манай сэтгүүлч тэргүүний тариаланч хамт олноор гурван жилийн өмнө шалгарч байсан “Алтан залаа” компанийн захиралтай уулзжээ. Сурвалжлагыг нэг, 13 дугаар нүүрээс уншина уу.
Улс төрийн мэдээллийн нүүрт Батлан хамагалахын сайд Ц.Цолмон ярилцлага өглөө. Тэрбээр “Бие, биеэ шүүмжиллээ гээд нэг л улс төрийн хүчин ашиг хонжоо олох байх” гэж ярьсан юм. Мөн хоёрдугаар нүүрт УИХ дахь намын бүлгүүдийн хуралдааны мэдээлэл орсон юм. Тавдугаар нүүрт Сэтгүүлчдийн нэгдсэн эвлэлийн ерөнхийлөгч Б.Галааридын ярилцлага хэвлэгдлээ. Тэрбээр хэвлэлийн эрх чөлөөнд чөдөр болсон Эрүүгийн хуулийн нэмэлт өөрчлөлт, Зөрчлийн тухай хуулийн төслүүдийн талаар ярилаа. Эфирийн цаг, сонины зай талбайг үнэгүй мэдээллээр дүүргээд байвал хэвлэл мэдээллийн хэрэгсэл эдийн засгийн хувьд хөгжих, дэвжих зам нь хаагдана гэж тэрбээр ярьсан юм.
“Өдрийн сонин”-ы нийтлэлийн бодлогыг тодорхойлж байдаг гуравдугаар нүүрт “Чөлөөт хэвлэлийг чөдөрлөх гурван заалт нэмэгдэх нь” хэмээх нийтлэл гарлаа. Нийтлэлд “…Монголын хувийн хэвлэл мэдээллийг, цаашлаад мэдээлэл авах эрхтэй иргэдийн эрхийг давхар зөрчсөн маш аюултай тогтоолын төслийг эхний ээлжинд байнгын хорооны хурлаар хэлэлцэх шаардлагагүй гэж үзсэн байгаа. …” гэжээ. Гуравдугаар нүүрээс бүрэн эхээр нь уншина уу.
Монголд нас барсан Ж.Д.Чарльз болон Арбитрийн шүүхээр манай улстай заргалдаж буй “Хан ресурс” компанийн хэргийн эргэн тойрондохыг VII нүүрээс унших боломжтой. Эдийн засгийн шинжээч болсон үйл явдлын талаар юу гэж ярьсныг өнөөдрийн дугаараас уншаарай.
“Хас”-ын Ч.Ганхуяг Улсын харцага Г.Ганхуягийн талаар цагдаагийн байгууллагад гомдол гаргажээ. Харцага амидаагаа олон нийтийн цахим сүлжээгээр доромжилж, дайрсан гэнэ. Энэ тухай ярилцлагыг XI нүүрт хэвлэлээ. Мөн хазайгаад, нурах аюулд өртөөд байна гэсэн 16 дугаар байрны талаар мэргэжлийн хяналтынхан дүгнэлт гаргасан. 16 дугаар байрны хажууд барилга барих гэж нүх ухсанаас болж хазайсан гэдгийг мэргэжлийн хяналтынхан үгүйсгэлээ. Дэлгэрэнгүйг өнөөдрийн дугаараас уншина уу.
Төрийн банкны гүйцэтгэх захирал найман хувийн хүүтэй орон сууцны зээлийн эргэн тойронд ярилцлага өглөө. Орон сууцны зээлийн урьдчилгааг 10 хувь болгох, нийгмийн даатгалын сантай холбох зэрэг асуудал бодит байдалтай нийцэж байна уу, иргэд ямар замаар орон сууцтай болсон нь ашигтай вэ зэрэг эдийн засгийн хувьд чухал ач холбогдолтой ярилцлагыг нэг болон зургадугаар нүүрээс уншина уу.
Эдгээр болон Нийгэм, Цаг үе, Дэлхийн мэдээ, Энэ өдөр зэрэг булангуудаас хэрэгтэй мэдээллүүдээ уншаарай.
Дашрамд дуулгахад, “Өдрийн сонин”-ы хоёрдугаар улирлын нэмэлт захиалга явагдаж байна. Манай сониныг захиалахыг хүсвэл 9911-2954, 8811-1375 дугаарт холбогдож захиалгаа өгөөрэй. Мөн цахим хэлбэрээр нь захиалахыг хүсвэл 88071920 дугаарт холбогдож дэлгэрэнгүй мэдээллийг лавлаарай.
Эрхэм уншигч та, манай сонинг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно.
“Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлана уу.
“ӨДРИЙН СОНИН” ӨГЛӨӨ БҮХНИЙ УРГАХ НАРНААР ТАНТАЙ ХАМТ