Аугаа их Эх орны ялалтын 70 жилийн ойг тохиолдуулан монгол цэргүүд ОХУ-ын Москва хотын Улаан талбайд, монгол хүүхдүүд ОХУ-ын Ангарск хотод ялалтын парад алхах гэж байна.
Ангарск хотын төв талбайд Батлан хамгаалах их сургуулийн харъяа “Тэмүжин-Өрлөг” дунд сургуулийн 40 гаруй сурагчид парад алхах юм. Тэднийг тус хотын амбан захирагч урьж оролцуулж байгаа аж.
Парад алхах сурагчид ирэх сарын 5-нд ОХУ-ыг зорихоор бэлтгэлээ шамдуулж байна. Энэ парадад Ангарск хотын зэвсэгт хүчнийхэн болоод цэргийн сургуулийн сурагчид л оролцох бөгөөд гадны орноос манай “Тэмүжин-Өрлөг”-ийн сурагчид жагсана. Манай сурагчид парад алхахаас гадна Х.Мөнхжаргал, С.Цэрэндорж, Б.Энхбаяр нарын сурагчид талбайд цугласан олонд Аугаа их Эх орны дайны ялалтын сүлд дуу болсон “Катюша”-г дуулж сонирхуулах юм байна.