Энэ оны хоёрдугаар сарын 9-ний өдөр эхэлсэн Элсэлтийн ерөнхий шалгалт /ЭЕШ/-ын бүртгэл өнөөдөр 18:00 цагт дуусах гэж байна. Бүртгэлийн хугацааг сунгахгүй, нэмэлт бүртгэл зохион байгуулахгүй гэж Боловсролын үнэлгээний төвөөс мэдэгдэж байгаа тул ЭЕШ-д бүртгүүлж амжаагүй суралцагч, иргэд 18 цагаас өмнө амжиж бүртгүүлэх хэрэгтэй гэж албаны хүн мэдээллээ.
Гуравдугаар сарын 21-нд зохион байгуулсан Монгол хэл бичгийн шалгалтад улсын хэмжээнд 21493 шалгуулагч орсон бөгөөд үүнээс 18200 шалгуулагч тэнцсэн байна. Тэрхүү шалгалтад бүдэрсэн 3293 шалгуулагч болон шинээр нэмж бүртгүүлсэн болон шалгалтанд ороогүй хэрнээ бүртгэлээ баталгаажуулсан 2126 шалгуулагч бүртгүүлээд байгаа юм байна.