Авто замын салбарыг олон нийтэд сурталчлах, шинэ техник, технологийг танилцуулах зорилгоор уламжлал болон зохион байгуулагддаг “Road expo Mongolia-2015” Дүнжингарав худалдааны төвийн үзэсгэлэнгийн танхимд болж байна.
Гурав дахь жилдээ зохион байгуулагдаж буй уг үзэсгэлэнг Монголын авто замчдын холбоо, Зам тээврийн яам, Монголын худалдаа аж үйлдвэрлэлийн танхим, Аодэ ХХК хамтран зохион байгуулж буй. Үзэсгэлэн яармагт гадна, дотны 50 гаруй аж ахуйн нэгж оролцож, өөрсдийн шинэ техник, технологио дэлгэжээ.
Замын улирал эхэлж байгаа учир үзэсгэлэн яармагийг сонирхохоор олон хүн цуглажээ. Энэ онд бүх аймгийн төвийг нийслэлтэй холбох их ажил өрнөнө. Тиймээс энэ удаагийн үзэсгэлэн экспо ихээхэн ач холбогдолтой болж буйг зохион байгуулагчид хэлж байна.
Нээлтийн ёслолын үеэр БНХАУ-ын Зам тээврийн яамны сайд мөс бутлах, цас зайлуулах машиныг Монголын талд гардуулан өглөө. Энэ нь мөн Монголд анх удаа орж ирж буй шинэ техник юм.
