Сэлэнгэ аймгийн Сүхбаатар сумын II багт амьдардаг 78 настай Ч 2014 оны арваннэгдүгээр сарын 9-ний өдөр гэрээсээ гараад сураггүй болсон аж. Тухайн үед аймгийн Онцгой байдлын газраас эрэн хайх, аврах ажиллагааг зохион байгуулан явуулсан ч үр дүнд хүрээгүй учраас эрлийн ажлыг зогсоожээ. Ар гэрийнхэн нь эрлийг дахин үргэлжлүүлэх хүсэлт гаргасныг өчигдөр хүлээн авч аймгийн Онцгой байдлын газрын 11 албан хаагч, аймгийн Цагдаагийн газрын 15 албан хаагч, нийт 26 албан хаагч явганаар Орхон голын эрэг дагуу эрэн хайх ажиллагааг зохион байгуулан явуулсан боловч үр дүнд хүрээгүй байна.