“Esso” автосервисийн менежер Б.Ундрахтай ярилцлаа.
-“Esso” төвийг мэдэхгүй хүн бараг үгүй. Танай компани хэзээ байгуулагдсан бэ?
-Манай автосервис нь тосолгоо үйлчилгээний чиглэлээр 2000 онд “Да хүрээ” захын урд анх байгуулагдаж байлаа. Өнөө жил манай сервис байгуулагдсаны 15 жилийн ой тохиож байна. Одоогоор Улаанбаатар хотод зургаан салбартайгаар үйл ажиллагаа явуулж байна.
-Японы “Mitasu”-гийн бүтээгдэхүүнийг танайх борлуулаад гурван жил болжээ. Тус улсад тос тосолгооны бүтээгдэхүүн үйлдвэрлэдэг олон газар байдаг. Тэрэн дундаас яагаад “Mitasu oil” корпорацийн бүтээгдэхүүнүүдийг сонгох болов?
-Тус корпораци нь Японы санхүү, хөрөнгө оруулалтын “Mitasu” корпорацийн охин компани. Хэрэглэгчдийн хэрэгцээг хангахын тулд бүтээгдэхүүний өндөр чанар, бусдаас ялгарах нь компанийн шинж чанар нь. Компанийн гол төсөл нь гадаад улс оронд ашиглагдаж байгаа япон машинуудад зориулагдсан оргиналь бүтээгдэхүүн, зарим тохиолдолд түүнээс давсан чанартай автомашины тос болон тусгай шингэнийг үйлдвэрлэх юм. “Mitasu oil” корпораци нь бензин болон дизель хөдөлгүүрт зориулагдсан маш олон төрлийн хөдөлгүүрийн тос, автомат, механик кропны тос, гидрийн шингэн, антифриз зэргийг үйлдвэрлэдэг. “Mitasu”-гийн бүтээгдэхүүнүүд өндөр чанартай бөгөөд сав баглаан дээрээ “Японы гадаад дахь автомашиныг дэмжье” гэсэн логотой байдаг. Мөн тус корпораци нь тусгайлан топ ангиллын тос үйлдвэрлэлээрээ дагнадаг. Бензин болон дизель хөдөлгүүрүүдэд зориулсан тоснууд нь PAO (Poly Alpha Olifen)-гийн дөрөвдүгээр бүлгийн тосыг ашиглан үйлдвэрлэдэг. Энэ бүтээгдэхүүн нь автомашины хөдөлгүүр хасах 42 хэмээс нэмэх 50 хэм хүртэл хялбар асах нөхцөлийг бүрдүүлсэн тогтвортой үзүүлэлтүүдийг хангадаг, мөн тос солих хугацааг уртасгасан байдгаараа онцлог.
-Тухайн орны цаг уурын нөхцөл зэргээс хамаарч “Mitasu”-гийн тосыг солих хугацаа өөр өөр байдаг гэж дуулсан юм байна?
-“Mitasu” дэлхийн цаг уурын янз бүрийн нөхцөлтэй 20 гаруй оронд тосоо гаргадаг. Оросын Сибирээс эхлээд дундад Азийн халуун бүсийн орнуудад бүтээгдэхүүнээ борлуулдаг. “Mitasu”-гийнхан тоснуудаа Европийн орнуудад өөрөөр хэлбэл өндөр октантай сайн чанарын шатахуун хэрэглэдэг агаарын бохирдол багатай улс орнуудад ашиглагдаж буй машинуудад тос солих хугацааг 30 мянган км явж болохыг зөвлөдөг байна. Монголд тус корпорацийн мэргэжилтнүүд ирээд орчин нөхцөлийг судлаад “Танайд 100 хувь синтетик PAO-гийн төрлийн тос 20 мянган км, 100 хувь синтетик Gold тос 15 мянган км, хагас синтетик тос 10 км явна” гэж баталгаа өгсөн.
Одоо удаан хугацаагаар тосоо солихгүй явж болдог болчихоор цаг зав, мөнгө төгрөгнөөс эхлээд эдийн засгийн хувьд нилээд хэмнэлттэй болж байгаа юм. Өвөл, зуны тос гэхээ больсон. Машины он залуужаад ирэхээр 100 хувийн синтетик тоснууд өвөл, зунгүй явдаг болохоор км-ийн заалтаа хараад л явчихна гэсэн үг.
“Митасу”-гийн автомат кропны тосны хувьд хагас синтетик тос нь 50 мянган км, 100 хувь синтетик тос нь 100 мянган км явж болно. “Mitasu”-гийн антифриз таван жил буюу 100 мянган км явах баталгаатай. Удаан эдэлгээт энэ антифриз нь PH гэдэг зэврэлтийн эсрэг бодистой байдаг юм. Таван жил дотроо дотор эд ангийг зэврүүлэхгүй, резин жийргэвчүүдээ зөөллөдөг шинж чанартай.
-“Mitasu”-гийн үнэнч хэрэглэгчид болсон үйлчлүүлэгч олон байна уу?
-Зөндөө бий. Энэ тосны гол давуу чанар бол урт хугацаанд явах. Кроп, мотор, антифриз ч тэр. Урт хугацаанд явдаг болохоор хүмүүс их сайн хүлээж авч байгаа. Маш сайн тос байна, бохирддоггүй юм байна,ширгэдэггүй, дундардаггүй, царцдаггүй юм байна гээд л гурван жил хэрэглэсэн жолооч нар нь ярьдаг юм.
-Танайх тус корпорацийн хичнээн нэр төрлийн бүтээгдэхүүнийг оруулж ирж байгаа вэ?
-30 гаруй төрлийн тос, шингэн оруулж ирдэг. Машины он залуужих тусам тосолгооны материал олон төрөл болж байна. 2010 оноос хойш үйлдвэрлэгдсэн автомашины тос нь хамгийн шингэн , зууралданги багатай тосоор ажилдаг болсон. Өөрөөр хэлбэл байгаль орчинд ээлтэй хорт утаа хаялт маш бага байх тийм тос юм.
-Машинаа анх орж ирэхэд нь ямар тос хийсэн бэ. Түүнийгээ л машиндаа үргэлж хийх ёстой. Өөр тос хийж болохгүй гэж боддог жолооч нар бий?
-Дэлхийн стандарт нэг шүү дээ. Бензин хөдөлгүүртэй машины тос үйлдвэрлэлээ гэхэд бензин хөдөлгүүрт ордог бүхий л бодисыг хийдэг. Бензин хөдөлгүүртэй тос гэдэг чинь дотроо хагас синтетик, бүтэн синтетик, PAOгээд ангилагдаад явчихдаг байхгүй юу. Хагас синтетик тос хийсэн бол ямар ч үйлдвэрийн бензин хөдөлгүүртэй тосны хагас синтетикийг нь л нэмж хийж болно гэсэн үг. Яагаад гэвэл дэлхий даяар нэг л стандарттай учраас. “Mitasu”-гийн нэг давуу тал байдаг юм. Тосны синтетик бодис нь зарим тосонд 5-10 хувь байж хагас синтетик гэгддэг бол эднийх 60 хүртэл хувиар хийдэг. Энэ нь тус корпорацийн гол давуу тал. Элэгдлийн эсрэг бодисыг нь ингэж 60 хүртэл хувиар хийж өгдөг.
-Янз бүрийн тос орж ирдэг болсон болохоор машиндаа чухам алийг нь хийхээ мэдэхгүй үе тохиолддог?
-Таны автомашины үйлдвэрлэгч нь ямар шингэн, тос хий гэсэн бэ, түүнийг нь л хийнэ. Тэгж л хийхгүй бол манайд мэдэх мэдэхгүй янз бүрийн тоснууд ороод ирчихсэн байна. “Nissan”-ий машинуудад гэхэд кропны гурав, дөрвөн төрлийн тос ордог. “Toyota”-д 5-6 төрлийн тос ордог, “Honda” гэхэд 3-4 төрөл гээд л олон төрлийн тос ордог. Эдгээр үйлдвэрүүд нь үйлдвэрлэсэн машинууддаа зориулсан тосоо өөрсдөө үйлдвэрлээд явчихдаг. Харин “Mitasu” бол аль нэгэнд нь биш бүгдэд нь зориулагдсан бүх төрлийн машинд ордог тосыг үйлдвэрлэдэг юм. Европ, Америк, Солонгос машинд зориулагдсан бүтээгдэхүүнүүдийг ч үйлдвэрлэн гаргадаг. Жишээ нь, “Mitasu”-гийн чичиргээний эсрэг сайжруулсан нэмэлт хольцтой автомат хурдны шингэн байна. Уг шингэнийг “Honda”, “Subaru”, “BMW”, “AUDI”, “Volkswagen”, “Ford”, “Mercedes-Benz”, “Porsche” гээд бүх төрлийн машинд хийдэг. Бүтээгдэхүүн тус бүр дээр нь ямар маркийн машинд хийх вэ гэдгийг нарийн заагаад өгчихсөн байдаг. Мөн “Hyundai”, “KIA”-гийн машинуудад зориулагдсан хамгийн сүүлийн үеийн тос, шингэнийг “Mitasu” үйлдвэрлэж байгаа. “Mitasu” корпораци нь 2005 оноос өмнө дотоодынхоо зах зээлийг хангадаг байсан. Автомашинболоод хүнд үйлдвэрүүд, усан онгоцонд зориулж тосоо хийдэг байсан. Тэгээд үйл ажиллагаагаа тэлээд гадаад зах зээл рүү бүтээгдэхүүнээ нийлүүлж эхэлсэн юм. Японы инженерүүдийн хэдэн арван жилийн туршилт, шинжилгээний үр дүнд гарсан бүтээгдэхүүн үйлдвэрлэдэг.
-“Esso” компани тосны чиглэлээр мэргэшсэн хичнээн мэргэжилтэнтэй вэ?
-Зургаан салбарт маань нийт 50-иад ажилтан ажиллаж байна. Өмнө нь манайхан хүйтрэх үеэр буюу өвлийг угтаад тосоо нэг солиулж, хавар дулаараад техникийн үзлэг дөхөөд ирэхээр дахиад сольдог байсан. Харин одоо “Mitasu”-гийн тосыг хэрэглэдэг болсноороо өвөл, зун тос солиулна гэж цаг зав мөнгөө гарздахаа больсон. Км-ийн заалтаа харж байгаад л ирцгээдэг юм. Автомат кропны тос, антифризээ нэг солиулчихвал бүр мартчихдаг.
-Танай автосервис байгуулагдсаныхаа 15 жил, “Mitasu”-гийн бүтээгдэхүүнийг дотоодын зах зээлд борлуулсаны гурван жилийн ойг тохиолдуулаад машин хожих бэлэгтэй худалдаа эхлүүлж байгаа юм байна. Энэ талаараа сонирхуулахгүй юу?
-“Ессо” автосервисийнхээ 15 жилийн ойг тохиолдуулаад хичнээн хямралтай байгаа ч гэсэн хэрэглэгч, үйлчлүүлэгчдэдээ зориулаад урамшуулалтай сугалаат худалдаагаа энэ сарын 1-нээс ирэх долдугаар сарын 1-ний өдрийн хооронд зарлаж байна. Улсын баяр наадмын өмнө сугалааныхаа тохирлыг олгох юм. Супер азтан нь “Prius-20” машин, дараачийн таван азтан нь 200 мянган төгрөгт “Mitasu”-гийн тосоор машиныхаа тосыг солиулах эрх, дараагийн арван азтан 100 мянган төгрөгийн тос солиулах эрх хожино. Мөн арван азтанд Солонгосын “Hyundai Enercell” аккумулятор өгнө. 50 мянган төгрөг тутам нэг сугалаа олгох бөгөөд сугалаат худалдаа зарласан энэ хугацаанд манайхаас худалдан авалт хийсэн хүн бүрт дэлхийд автохимийн бүтээгдэхүүнээрээ тэргүүлдэг АНУ-ын “Gunk” брэндийн бүтээгдэхүүнээр бэлэг барина.
-Танай компани одоогоор дэлхийн хэдэн орноос ямар нэр хүндтэй бүтээгдэхүүнүүдийг оруулж ирж байгаа вэ?
-“Mitasu oil”-ийн албан ёсны борлуулагч, Японы “Сакура” шүүрний албан ёсны борлуулагч. Америкийн авто химийн “Gunk”,Солонгосын аккумулятор “Hyundai enercell”-ийн албан ёсны эрхтэй байгууллага. Манайх 15 жилийн турш тосолгоо үйлчилгээгээрээ дагнаж ажилласаар ирсэн энэ чиглэлээр тэргүүлэх компани юм.
-“Mitasu”-гийн ямар бүтээгдэхүүнийг манайхан ихээр сонирхож худалдан авч байгаа вэ?
-“Hybrid” автомашинд зориулагдсан хөдөлгүүрийн тос борлуулалт сайтай байгаа.Уг тос нь “Hybrid” автомашины хувьд хамгийн тохиромжтой шийдэл. Улирал хамаарахгүй 15 мянган км явна. Хөдөлгүүрийн насжилтыг нэмэгдүүлж,үрэлтийн коэффициентийг хамгийн бага байлгаж чадсанаар металл гадаргуу дээрх бүтцийн дутагдлыг нөхөж өгдөг онцлогтой. Бохирдлыг хянаж, түлш хэмнэхэд тустай бүтээгдэхүүн юм.
-Ярилцсанд баярлалаа.
Б.САРНАЙ