МҮХАҮТ-д өнөөдөр Оросын Свердловск мужийн бизнесийн төлөөлөл ирж, уулзалт хийжээ. Уралын мах, загас, тахиа, ногоо зэрэг хөлдөөсөн бүтээгдэхүүний үйлдвэрлэлийн “Хладокомбинат” буюу “НОРД” үйлдвэр, хүнд үйлдвэрлэлийн алдартай “Уралэлектромаш”, “Уралмашзавод”-ээс эхлээд эмнэлгийн тоног төхөөрөмж хангамж, химийн материалын болон эрчим хүчний тооцоолол, хяналтын удирдлагын системийн “Лидер”, “Профсофт системы” зэрэг олон компанийн төлөөлөл энэ удаагийн уулзалтад оролцжээ. Тэдгээр бизнесмэнүүд Свердловск мужийн амбан захирагчийн айлчлалын бүрэлдэхүүнд багтаж манай улсад ирсэн байна.
