Монголчууд ингэ ихэрлэхийг ихэд бэлэгшээж, мал сүрэг өснө, өнөтэй сайхан жил болно гэж үзсээр ирсэн билээ. Өнгөрсөн сарын 26-ны өдөр Баянхонгор аймгийн Баянлиг сумын Багабаянгийн 5 дугаар багийн малчин Намжилмаагийн Мөнхтөрийн бор ингэнээс хоёр ихэр ботго гарсан байна. Бор ингэ нь тав дахь төллөлтөөрөө ийн ихэр ботготой болжээ. Малчин Н.Мөнхтөр нийт 225 тэмээтэй бөгөөд өнөөдрийн байдлаар 20 орчим ингэ нь төллөөд байгаа аж.
Баянхонгор аймагт сүүлийн гурван жил дараалан ихэр ботго гарч буй юм байна. Өмнө нь тус аймгийн Баянлиг сумын Багабаянгийн 3 дугаар багийн малчин Л.Хүрэлтогоогийн хотноо ингэ ихэрлэжээ.