Улсдаа жишиг болохуйц спортын төрөлжсөн сургууль Архангай аймагт удахгүй нээгдэх гэж байна. Улсын төсвийн 5,1 тэрбум төгрөгийн санхүүжилтээр босч буй сургуулийн барилгын ажил дуусч, улсын комисст хүлээлгэн өгөхөд бэлэн болжээ. Барилгын ажлыг Хера констракшн ХХК 2014 оны 5 дугаар сарын 20-ны өдөр эхлүүлсэн юм.
Сургууль нийт 320 хүүхдийн суудалтай бөгөөд бөхийн төрөлжсөн гурван стандарт заал, тус бүрдээ саун, халуун усны өрөөгөөр тоноглогдсоноос гадна бусад спортын төрлүүдийн зориулалтын өрөө тасалгаанууд зураг төслийн дагуу хийгджээ.
Спортын гүнзгийрүүлсэн сургууль нь аймгийн хэмжээнд үйл ажиллагаа явуулах учраас дэргэдээ 100 хүүхдийн ортой дотуур байртай баригдсан байна.
