Төв азийн бүс нутгийн эдийн засгийн хамтын ажиллагааны хүрээнд CAREC /KAPEK/-ийн гишүүн орнуудын удирдах ажилтнууд уулзалтыг Улаанбаатар хотноо зохион байгуулж байна. Энэ удаагийн уулзалтаар бүс нутгийн эрчим хүчний хамтын ажиллагааг хэрхэн өргөжүүлэх талаар холбогдох албаныхан санал солилцож байгаа юм. “КАРЕК”-ийн гишүүн орнууд сүүлийн 10 жилийн хугацаанд, Төв азийн бүс нутгийн эрчим хүчний сүлжээ бий болгож, эрчим хүчний худалдааг дэмжихэд зориулж, дөрвөн тэрбум америк долларын өртөг бүхий 33 төсөл хэрэгжүүлсэн байна.
Тиймээс манай улс Төв азийн бүс нутгийн эдийн засгийн хамтын ажиллагааны хөтөлбөрийн хүрээнд эрчим хүчний салбарын бүтээн байгуулалтаа хурдасгаж, эрчим хүч экспортлогч улс орон болох хэрэгтэй гэж албаныхан онцлолоо.
Хурлын үеэр манай улс гадны хөрөнгө оруулагчдыг татаж, томоохон станц байгуулах замаар эрчим хүчнийхээ үйлдвэрлэлийг сайжруулж, хөрш орнууд руугаа экспортлох сонирхолтой байгаагаа гадны төлөөлөгчдөд хандан илэрхийллээ.