Жил бүрийн гуравдугаар сарын дөрөв дэх долоо хоногт орон даяар гамшгаас хамгаалах, урьдчилан сэргийлэх дуут дохиог ажиллуулж, гамшгийн үеийн дадлага, сургуулилт хийдэг билээ. Уг уламжлалын дагуу Баянзүрх дүүргийн Засаг даргын Тамгын газар, Онцгой байдлын хэлтэс хамтран “Гамшгийн аюулын тухай зарлан мэдээллийн дохиогоор ажиллах дадлага сургууль”-ийг амжилттай зохион байгуулав.
Дадлага сургуулилтыг дүүргийн Онцгой комиссын дарга бөгөөд Засаг дарга удирдан нийт албан хаагчид оролцож,харьяа хэлтэс албад, хороодын ажилтан албан хаагчид дуут дохио дуугарах үеэр айж сандралгүй, заавар зөвлөмжийн дагуу идэвхтэй оролцлоо.
Дуут дохиог ажиллуулж, дадлага сургуулилт хийснээр улс орон даяар зарлан мэдээллийн техник хэрэгслийн бэлэн байдлыг шалгах, түүнд хамрагдаж буй иргэд, аж ахуйн нэгж байгууллагын оролцоог дээшлүүлэх зорилгоор явуулж буй тус сургуулилт газар хөдлөлтийн гамшгийн аюул тулгарсан үед бэлэн байдлыг хангуулах, нийслэл хотод суурилуулсан төвлөрсөн зарлан мэдээлэх хэрэгслийн бэлэн байдал үйлчлэх хүрээг шалгах, иргэдийг гамшгийн аюулын тухай зарлан мэдээлэх дохиогоор ажиллуулж сургах ач холбогдолтой юм.