Дэлхийн усны өдөр 3 сарын 22 –нд тохиодог. ЮНЕСКО-гийн Ерөнхий чуулганаас 1993 онд жил бүрийн гуравдугаар сарын 22-ны өдрийг Дэлхийн усны өдөр болгон тэмдэглэж байхыг тунхагласан билээ. Энэ өдрийг тохиолдуулан ЮНЕСКО-гийн Ерөнхий захирал хатагтай Ирина Бокова улс орнуудыг ард иргэдээ цэвэр ус болон хоол хүнсээр найдвартай хангах үйлст хүчин чармайлтаа нэгтгэн, усны эргэн тойрон дахь асуудлуудыг хамтран шийдвэрлэхийг уриалж, гишүүн орнууддаа илгээлт ирүүлсэн түүхтэй.
Харин Монгол Улсад тэр дундаа нэг сая хол давсан хүн ам суурьшин амьдардаг Улаанбаатарчуудыг ундны усаар хангаж , гарсан бохир усыг нь татан зайлуулах эрхэм үүрэгтэй ажилладаг Ус сувгийн удирдах газар Дэлхийн усны өдрийг “Ус бол шингэн алт” маркны анхны өдрийн нээлттэй давхцуулж хийлээ. Маркаар дамжуулан усыг хайрлаж гамнах сэтгэлгээг түгээх, ухаалаг хэрэглээг хэвшүүлэх, улмаар байгаль орчноо хайрлах, ногоон хөгжлийг дэмжихийг хүсч байгаа юм байна. Маркны эх зургийг зураач Ч.Бат-Эрдэнэ гаргаж, график дизайнаар Ж.Ганхуяг, Б.Дамдинбазар нар хамтран ажиллажээ.
Өнөөдөр дэлхий дээр ойролцоогоор 7 тэрбум хүн амьдарч байгаа бөгөөд ирэх 10 жилд дэлхийн хүн ам хоёр тэрбумаар өснө гэж хүн ам зүйч нар урьдчилан хэлж байгаа юм. Харин хүн амд ногдох усны хүрэлцээ өдрөөс өдөрт багассаар…
