Улсын дуурь бүжгийн эрдмийн театрын тайзнаа өнөөдөр 19.00 цагаас “Harmony of Flute and Harp” тоглолт болно. Энэхүү тоглолтын эзэд бол АНУ-ын флейта (лимбэ) хөгжимчин Жэфри Кохан, Австри улсын босоо ятгачин Тина Зердин нар юм. Мөн тус тоглолтод зочин хөгжимчид, УДБЭТ-ын хөгжимчид болон оюутан сурагчид оролцож, эдгээр хөгжмийн зэмсгүүдийн өвөрмөц сонин бүтээлүүдээс тоглох аж.
УДБЭТ-т АНУ-ын ЭСЯ-ны дэмжлэгтэйгээр “Harmony of Flute and Harp” төсөл хэрэгжиж байна. Уг төслийн хүрээнд дэлхийн олон оронд тоглолтоо сонирхуулж байсан флейта хөгжимчин Жэфри Кохан, босоо ятгачин Тина Зердин нар манай улсад ирээд байна. Тэд Монголын хөгжмийн сургуулийн оюутан, сурагчдад флейта хөгжмийн сургалтыг хоёр хоногт (03.17-18) явуулжээ. Харин өнөө орой болох тоглолтын өмнө мэргэжлийн урлагийн байгууллагуудын флейта болон лимбэ хөгжимчидтэй уулзалт хийх аж.
“Harmony of Flute and Harp” тоглолт өнөөдөр 19.00 цагт УДБЭТ-ын тайзнаа тоглогдох бөгөөд тасалбарыг УДБЭТ-ын касс болон www.monda.mn -р худалдаалж байна. Билетийн үнэ 8000,10000,15000 буюу үндсэн үнээр худалдаалагдана.