“Өдрийн сонин”-ы сурвалжлагч Э.Хүрэлбаатар Архангай аймгийн Өндөр-Улаан сумын Хануйн багт ажилласан тухай сонирхолтой сурвалжлагыг та бүхэндээ цувралаар хүргэж байгаа билээ. Мягмар гаригийн дугаараас багийн эмч ямар хүнд нөхцөлд хэрхэн ажилладаг тухай мэдээллийг тусгалаа. Хуулиндаа бол багийн эмч анхан шатны тусламж үзүүлэх учиртай. Хөдөө орон нутгийн иргэд тархуу суурьшдгийг ч хэлэх үү. Багийн эмч нар ирсэн дуудлагын дагуу хүн арддаа хүрч үйлчлэх нь тэдний үүрэг. Гэтэл улсаас унааны зардалд ямар ч мөнгө төсөвлөдөггүй аж. Ингээд багийн эмч цасан шуурга, бороо, шороо гээд байгалийн эрсдлийг үл хайхран өвчтөнүүдэд очдог байна. Тэд хүн эмчлэх эрхгүй. Гэтэл хаа хол газар дуудлагаар очиход нь аврал эрсэн өвчтөнүүдэд хууль зөрчин байж II шатлалын тусламж үйлчилгээг дур мэдэн хүргэдэг байна. Энэ тухай дэлгэрэнгүй сурвалжлагыг зөвхөн “Өдрийн сонин”-ы маргаашийн дугаараас уншаарай.