Монголын оюутны спортын Универсиад наадмын шатрын тэмцээн гуравдугаар сарын 11-13-ны өдрүүдэд “Зууны шатар” клубын байранд боллоо. Тэмцээнд их, дээд сургууль, коллежийн 13 байгууллагын эрэгтэй 44, эмэгтэй 28 нийт 72 оюутан тамирчин өрсөлдөв.
Тэмцээний дүн гарахад эрэгтэйчүүдээс 6,5 оноогоор ҮБТДС-ийн оюутан Олон улсын мастер Г.Мөнхгал, эмэгтэйчүүдээс МУБИС-ийн оюутан Э.Хулан нар ангилалдаа түрүүллээ.
Тэмцээний дүн:
Эрэгтэй (44 тамирчин)
Алтан медаль: 6,5 оноогоор Олон улсын шатрын холбооны мастер Г.Мөнхгал (ҮБТДС)
Мөнгөн медаль: 6,5 оноогоор, Олон улсын шатрын холбооны мастер Б.Галмандах (МУИС)
Хүрэл медаль: 5.0 оноогоор, Б.Ариунбүүвэй (МУИС)
IV байр: 5.0 оноогоор Л.Соронзонболд (ШУТИС)
V байр: 5.0 оноогоор Б.Нямдаваа (“Мон-Алтиус” БТДС)
Эмэгтэй (28 тамирчин)
Алтан медаль: 6,5 оноогоор Э.Хулан (МУИС)
Мөнгөн медаль: 5.5 оноогоор Ө.Нямтуяа (ҮБТДС)
Хүрэл медаль: 5,5 оноогоор С.Сарантунгалаг (ҮБТДС)
IV байр: 5.0 оноогоор Б.Халиун (ШУТИС)
V байр: 5.0 оноогоор Б.Оюунбаяр (МУИС)
Байгууллагын нэгдсэн дүнгээр ҮБТДС 17,5 оноогоор тэргүүлж, МУИС (16,5 оноо), ШУТИС (15.0) удаалав.
Тэмцээнд амжилттай оролцсон баг тамирчдаас БНХАУ-ын Бээжин хотноо ирэх аравдугаар сарын 18-25-нд болох Азийн оюутны аварга шалгаруулах шатрын тэмцээнд Монгол Улсаа төлөөлөн оролцох баг тамирчдыг сонгон шалгаруулсан. Энэхүү шалгаруулалтад МУИС-ийн баг тамирчид шалгарч тус тэмцээнд оролцох эрхийг багаараа авсан юм. Харин ганцаарчилсан төрөлд Монголын шигшээ багийг тусад нь бүрдүүлэн Оюутны спортын холбооноос оролцуулах аж.
