Дундговь аймгийн Эрдэнэдалай сумын 13 настай охин өнгөрсөн долоо хоногт амиа алдсан харамсалтай хэрэг гарчээ. Тэрээр аймгийнхаа жүдо бөхийн тэмцээнд оролцохоор бэлтгэл хийж байжээ. Эх сурвалжийн мэдээлснээр багш нь охинд жингээ хасах шаардлага тавьж багагүй хугацаанд гүйлгэсний дараа матраасанд ороосон аж. Матраасанд ороосноос хойш охиныг арав орчим минут өнгөрсний дараа гаргахад клиник үхэлд орчихсон байжээ. Охин амьсгалын аппаратны тусламжтай эмнэлэгт хоёр гурван цаг болоод амиа алджээ. Энэ хэрэгт охины дасгалжуулагч, сургуулийн биеийн тамирын багш М-ыг шалгаж байгаа аж. Болсон явдлын талаар Эрдэнэдалай сумын Засаг даргатай холбогдож асуухад “Золгүй явдал боллоо. Хэргийг цагдаагийн байгууллага шалгаж байгаа болохоор би дүгнэлт хийх боломжгүй” гэв.
Ц.ӨРНӨХ