Ирэх тавдугаар сард ОХУ аугаа их орны дайны ялалтын 70 жилийн ойн баяраа тэмдэглэнэ. Энэхүү баярын арга хэмжээнд Монголын зэвсэгт хүчний 80 гаруй алба хаагч оролцож, цэргийн сүрт жагсаал хийж гайхуулахаар болжээ.
Ялалтын парадад тусгаар улсуудын хамтын нөхөрлөл, эх орны дайны үед ЗХУ-ын холбоотон, ЗХУ-ын бүрэлдэхүүнд байсан тусгаар улсууд гэхчлэн олон орны цэргүүд оролцох аж.
Ёслолын жагсаалд оролцох Монголын зэвсэгт хүчний бэлтгэл ажлыг хангах комиссын даргаар Батлан хамгаалах яамны Стратеги бодлого, төлөвлөлт газрын дарга, хурандаа Г.Сайханбаяр ажиллаж байна.