Супер лигийн II тойргийн сүүлийн тоглолтууд Спортын төв ордонд үргэлжилж байна. Өчигдөр буюу гуравдугаар сарын 2-ны өдрийн мэдээллийг хүргэж байна.
МОН-АЛТИУС МАДИМОС ШОНХОРУУД vs ХАН ТАЛСТЫН ИРВЭСҮҮД – 90:88
СЕНТОЗА АРСЛАНГУУД vs ТӨВ УРГАЦ – 110:105.
Үндэсний супер лигийн II тойргийн тоглолтууд өндөрлөх шатанд оржээ ирлээ. Тэр ч утгаараа багуудын тоглолт болгон чухал плей-оффийн төлөө болон байрлалын төлөөх тоглолтуудаар халуун өрнөсөөр. Өчигдөр болсон эхний тоглолт хүснэгтэнд 9 хожил 8 хожигдолтой 6-р байранд бичигдэж байсан “Мон-Алтиус Мадимос Шонхорууд” 9 хожил 9 хожигдолтой Плей-оффийн сүүлийн 8-р байранд бичигдэж байсан “Хан талстын Ирвэсүүд” багуудын хооронд боллоо. Дээрх 2 багийн аль хожсон нь 10 хожил байгуулан Плей-оффд орох эсэхээ баталгаажуулах байсан юм. Ингээд тоглолтын эхний үеийг тун сайн тавьсан Шонхорууд 2-р үеийн төгсөд өрсөлдөгч багтаа 14 оноо дараалан алдаж улмаар 2 багийн тоглолт тэнцүүхэн өрнөж эхэлсэн юм. Ингээд оноо 88-88 байхад эхний хагаст тун хангалтгүй байсан Т.Санчир багтаа 2 оноо давамгайллыг үүсгэж Ирвэсүүд довтолгоо хийхэд Мон Алтиус Шонхорууд багийн төвийн тоглолт Quincy хоёр ч дараалсан хаалтыг хийснээр 90-88-аар Шонхорууд 10 дахь хожлоо байгуулсан. Тэднээс 5 тоглогч 10-аас дээш оноо түүснээс Smush Parker 16 оноо 10 самбар, Quincy 15 оноо 14 самбар 8 хаалт, Г.Цэнгүүнбаяр 14 оноо 10 самбараар дабль хийсэн бол тун харамсалтай хожигдол хүлээсэн Ирвэсүүдээс сэлгээнээс гарч тоглосон Pugh 22 оноо 15 самбар, Б.Чадраабал 20 оноо Э.Дорж-арилд 17, Э.Цэвэлдорж 15, Э.Эрдэнэдалай 14 оноо 9 самбар авсан байна. “Хан Талстын Ирвэсүүд Үндэсний Супер лигийн сүүлчийн тоглолтоо “Дорнод Танан Гарьд” багтай хийх бол “Шонхорууд” “Лидер”, “Аравтууд” багтай хоёр тоглолт хийснээр улирал дуусах юм.
Сентоза Арслангууд нэмэлт цаг хожил байгууллаа
Энэ өдрийн сүүлийн тоглолт 9-р байранд бичигдэж байсан Сентоза Арслангууд 7-р байранд бичигдэж байсан Төв ургац багуудын хооронд болсон. Тоглолтын эхнээс Ж.Отгондарь дасгалжуулагч багийн тоглогчдоо тун нягт тоглохыг захьсан нь харагдаж 10-2 гэсэн эхлэлийг тавсан юм. Гэхдээ хашир туршлагатай тоглогчтой Төв Ургац 2 болон 3-р үед тоглолтыг өөрийн талдаа шийдэж онооны зөрүүг 16 болгон холдуулаад байсан. Гэхдээ шийдвэрлэх 4-р үеийн дунд Төв Ургац багийн 2 лидер тоглогчид болох Donald Boone болон Holmes нар 6 алдаа болон талбайг чөлөөлснөөр Арслангуудад боломж гарч ирсэн. Улмаар эрч хүчтэй тоглолтыг Арслангууд үзүүлж үндсэн цагт 96-96-аар тэнцээгээр өндөрлөж нэмэлт цагт Chris Lawson 44-онооныхоо 6-г авсанаар 110-105-өөр Сентоза Арслангууд 9 дэх хожлоо байгуулан Плей-оффийн сүүлийн эрхийн төлөөх тулаанд эргэн нэгдсэн бол 10 хожил 9 хожилтай болсон Төв Ургац мөн тун хүн байдалд орж байна. Учир нь тэд улирлын сүүлчийн тоглолт Эрдэнэдрийлинг Ригс багтай хийх бөгөөд хэрэв хожигдол хүлээсэн тохиолдолд 8 байранд бичигдэх багуудтай оноо тоглох юм. Харин Тун чухал хожил байгуулсан Арслангуудаас холбон тоглогч Chris Lawson 44 оноо 15 самбараар багаа тэргүүлж өөрийн хувийн дээд амжилтаа үзүүлсэн бол Э.Баатарсүрэн, Б.Тамжид нар 14 оноо Torin Walker 13 оноо 23 самбар авсан бол Төв ургац багаас Boone 20 оноо 11 самбар Д.Дэлгэрням 19 оноо 16 самбар, Ц.Пүрэвдорж 17 оноо Ц.Мэргэн 13, Д.Мөнхтөр 12 оноо авсан байна. Сентоза Арслангууд улирлын сүүлийн тоглолтоо SBL Хасын Хүлэгүүд багийн эсрэг хийх бөгөөд 1-р тойрогт тааран тоглохдоо Хүлэгүүдийг буулган аваад байсан юм. Хэрэв тэд хожвол Плей-оффд орох магадлал тун өндөр болно.
БАГУУДЫН АМЖИЛТ 03 САРЫН 02-НЫ БАЙДЛААР
