Үндсэн хуулийн цэцийн гишүүн Д.Сугарын хүү С.Цогт нарын 12 хүнд холбогдох хар тамхины хэргийг Дүүргийн эрүүгийн анхан шатны нэгдүгээр шүүхэд өчигдөр хянан хэлэлцлээ.
Тэднийг мансууруулах болон сэтгэцэд нөлөөлөх эм, бэлдмэл, бодисыг хууль бусаар олж авсан, хэрэглэсэн, хадгалсан, худалдсан, хилээр хууль бусаар нэвтрүүлсэн зэрэг үйлдэлд буруутгаж, С.Цогтод хоёр жилийн хорих ял оноосон байна.
Мөн тус хэрэгт сэжиглэгдэж байсан гурван хүний хэргийг хэрэгсэхгүй болгож, мөн гурван иргэнийг цагаатгасан шийдвэрийг шүүхээс гаргажээ.