Цахим системээр бүртгүүлж, газар өмчилж авахаар сонгогдсон иргэд энэ сарын 26-ны дотор газраа баталжуулах ёстой. Энэ ажил хоёрдугаар сарын 11-ний өдрөөс эхэлсэн ч цагаан сарын баяр таарсан учир иргэд сар шинийн дараагаас харьяа дүүрэгтээ хандан дараалал үүсгэх болжээ. Хоёр дахь удаагийн газар өмчлөлөөр Баянзүрх дүүргийн 20 дугаар хороо Их цуурай, Бага цуурайн ам, Сонгинохайрхан дүүргийн Эмээлт уулын баруун хоолойн, Багануур дүүргийн Тариан булаг, Багахангай дүүргийн хоёрдугаар хороо Хангайн хөндий зэрэг байршилд иргэд газраа баталгаажуулж байна.
Баянзүрх дүүрэгт газар өмчлөхөөр сонгогдсон иргэд Баянзүрх дүүргийн өмч газрын харилцааны албанд, Сонгинохайрхан дүүрэгт сонгогдсон иргэд Орчлон хорооллын урд 27 дугаар хорооны байранд, Багануур, Багахангай дүүрэгт сонгогдсон Улаанбаатар хотод оршин суудаг иргэд Хан-Уул дүүргийн соёлын төв ордонд очиж өргөдлөө баталгаажуулах ёстой. Цахим бүртгэлд хамрагдан газар өмчлөхөөр сонгогдсон иргэд үлдэж буй хоёр хоногт амжиж бүртгүүлэхээргүй байгааг харгалзан өмчлөх газрыг баталгаажуулах хугацааг сунгаж өгөхийг хүсч байв.