ХААИС-ын захирал асан Б.Бямбаа нарт холбогдох шүүх хуралдаан дахин хойшлогдлоо…
Тус шүүх Нийслэлийн прокурорын газраас Эрүүгийн хуулийн ерөнхий ангийн 19 дүгээр зүйлийн 19.2, 35 дугаар зүйлийн 35.3 дахь хэсэгт заасныг журамлан мөн хуулийн тусгай ангийн 263 дугаар зүйлийн 263.2, 271 дүгээр зүйлийн 271.1, 150 дугаар зүйлийн 150.3 дахь хэсэгт зааснаар яллах дүгнэлт үйлдэж шүүхэд шилжүүлсэн Бадарчийн Бямбаа, Эрүүгийн хуулийн ерөнхий ангийн 19 дүгээр зүйлийн 19.2, 35 дугаар зүйлийн 35.6 дахь хэсэгт заасныг журамлан мөн хуулийн тусгай ангийн 263 дугаар зүйлийн 263.2, 271 дүгээр зүйлийн 271.1, 150 дугаар зүйлийн 150.3 дахь хэсэгт зааснаар яллах дүгнэлт үйлдэж шүүхэд шилжүүлсэн Цэрэндоржийн Амарсайхан, Эрүүгийн хуулийн ерөнхий ангийн 19 дүгээр зүйлийн 19.2, 35 дугаар зүйлийн 35.5 дахь хэсэгт заасныг журамлан мөн хуулийн тусгай ангийн 263 дугаар зүйлийн 263.2, 271 дүгээр зүйлийн 271.1, 150 дугаар зүйлийн 150.3 дахь хэсэгт зааснаар яллах дүгнэлт үйлдэж шүүхэд шилжүүлсэн Дэлгэрхүүгийн Янжмаа, Эрүүгийн хуулийн ерөнхий ангийн 35 дугаар зүйлийн 35.5, 35.6 дахь хэсэгт заасныг журамлан мөн хуулийн тусгай ангийн 150 дугаар зүйлийн 150.3 дахь хэсэгт зааснаар яллах дүгнэлт үйлдэж шүүхэд шилжүүлсэн Батсүрэнгийн Болдбаатар нарт холбогдох шүүх хуралдааныг 2015 оны 02 дугаар сарын 04-ний өдөр хянан хэлэлцэх явцад:
Шүүгдэгч Б.Бямбаагийн өмгөөлөгч О.Сайнгэрэл хүндэтгэн үзэх шалтгаангүйгээр ирээгүй, мөн хохирогч байгууллагын албан ёсны итгэмжлэлээр оролцох байсан Ж.Батчулуун ирээгүй зэрэг үндэслэлээр шүүх хуралдааныг хойшлуулж, 2015 оны 02 дугаар сарын 09-ны өдрийн 08:30 цагт товлолоо.