Монгол Улсын Ерөнхий сайдын ивээл дор ес дэх жилдээ зохион байгуулагдаж буй “Монголд үйлдвэрлэв, Цагаан сар-2015” үзэсгэлэн худалдаа өчигдөр “Мишээл экспо”-д нээлтээ хийсэн. Үзэсгэлэн худалдаа ирэх сарын 4-нийг хүртэл үргэлжлэх юм байна. Мөн нийслэл хотод “Драгон төв”, Үндэсний үйлдвэрийн худалдааны төв буюу хуучнаар Шөнийн зах болон нийслэлийн төвийн зургаан дүүрэгт сар шинийн үзэсгэлэн худалдаа болж байгаа аж. Энэ жилийн үзэсгэлэн худалдаанд нийт 800 гаруй аж ахуйн нэгж оролцож байна.