Орхон аймгийн Засаг дарга Г.Зоригт ажлаа хүлээлгэн өгчээ. Тэрээр биеийн эрүүл мэндийн байдлаас шалтгаалан ажлаасаа чөлөөлөгдөх хүсэлтээ Монгол Улсын Ерөнхий сайдад гаргасан байна. Түүний хүсэлтийг хүлээн авч ажлаас чөлөөлөх шийдвэрийг гаргажээ. Өнөөдөр аймгийн Засаг даргын тамгыг Засаг даргын орлогч Д. Энхбат хүлээн авсан байна. Шинээр Засаг дарга томилох хүртэлх хугацаанд түүний бүрэн эрхийг нь холбогдох хууль тогтоомжийн дагуу аймгийн Засаг даргын орлогч Д. Энхбат хэрэгжүүлэхээр болж байна.