Засгийн газрын хуралдаанаар ШӨХТГ-ын даргаар О.Магнайгийн оронд МАН-ын Шинэчлэлийн хорооны тэргүүн Т.Аюурсайханыг томилсон. Т.Аюурсайхан ажлаа авсан даруйдаа Засгийн газраас өгсөн чиглэлийн дагуу орон тооны цомхотгол хийхээ мэдэгджээ. Тэрбээр “Засгийн газраас агентлагуудын стратегийн болон бүтцийн өөрчлөлтийн хөтөлбөрийг баталсан. Хөтөлбөртэй уялдаж ажиллах ёстой. Тиймээс орон тооны цомхотгол хийгдэж, ШӨХТГ-ын орон тоог 15 хувиар бууруулан 36 ажилтантай ажиллах болов уу” гэжээ.