Дархан хотноо төмрийн хүдрийг нойтон, соронзон аргаар баяжуулах үйлдвэр ашиглалтанд оржээ. Уг үйлдвэр нь одоогоор Монгол улсдаа хамгийн томд тооцогдож байгаа бөгөөд жилдээ 1 сая тонн төмрийн хүдэр боловсруулах хүчин чадалтай гэлээ. Дарханы төмөрлөгийн үйлдвэр нь өөртөө суурилсан уул уурхайн металлургийн цогцолбор байгуулахаар төлөвлөсөн бөгөөд дэд хөтөлбөрийнхөө нэг зорилтыг ийнхүү биелүүлсэн байна.
Шинэ үйлдвэрийн үндсэн үзүүлэлт болох төмрийн агуулга нь 64%-иac дээш бөгөөд металлургийн шаардлага нь 700 мянган тонн баяжмал байх юм. Үйлдвэр нээгдсэнээр улсынхаа уул уурхай, металлургийн цогцолборын үндсэн түүхий эдийг бэлтгэхэд том алхам болж орон нутагт шинээр 120 ажлын байр нэмэгдүүлж байгаа юм.
Нойтон аргаар баяжуулсан хүдэр нь шууд ангижруулах төмрийн үйлдвэрийн үндсэн түүхий эд болдог ба төмрийн ийм үйлдвэр байгуулахаар Финландын “Outotec” болон Японы “Kobe Steel” компаниудын технологийг судлан, техник эдийн засгийн урьдчилсан үндэслэл боловсруулжээ. Металлургийн чиглэлээр дэлхийд тэргүүлэгч Канадын “Hatch” компаниас ч туслалцаа авч төмрийн хүдэр баяжуулах салбартаа хамгийн анхдагч нь болж байгаа геомембран доторлогоотой барьсан уг үйлдвэрийн олон улсад хүлээн зөвшөөрөгдсөн энэхүү технологи нь усыг үр ашигтайгаар буюу 70%-иас дээш дахин ашиглаж, байгаль орчинд хор нөлөөгүй ээлтэй гээд нийлээдгүй давуу талтай юм.