Сүхбаатар дүүргийн Залуучуудын холбооноос “Хүүхэд бүрийг хайрлая” аян санаачлан зохион байгуулжээ. Тус аян 2014 оны 12 дугаар сарын 12-29-ний өдрүүдэд өрнөж, нийт таван дүүргийн 1000 гаруй хүүхдэд бэлэг өгч, нэн ядуу 30 гаруй айлд түлээ нүүрс, гурил гоймон, есийн тос зэргийг гэрт нь хүргэн өгч баярлуулжээ. Эдгээр 1000 бэлгийг Сүхбаатар дүүргийн 1-20 дугаар хорооны 600 хүүхэд, Чингэлтэй дүүргийн 17 хорооны нэн ядуу айлын хүүхдүүд, Сонгинохайрхан дүүргийн 26 хороо “Улаанчулуут”-ын хогийн цэг дээр ажиллаж амьдардаг нэн ядуу өрхийн хүүхдүүд, Хан-Уул дүүргийн 8-р хороонд байрлах Шүүхийн Шийдвэр Гүйцэтгэх Ерөнхий Газрын Харъяа Насанд хүрээгүйчүүдийн 411-р хорих ангийн дэргэдэх 110-р бүрэн дунд сургуулийн ахлах ангийн сурагчид, Баянзүрх дүүрэгт байрлах эцэг эх нь архины хамааралтай айлын хүүхдүүд болон гудамжинд яваа хүүхдүүдэд тараажээ.