Увс аймаг дахь хилийн отрядын хариуцсан хэсгээр нэгдүгээр сарын 01-ний өдөр ОХУ-ын талаас эзэн хариулгагүй 104 тооны сарлаг бэлчээрээр улсын хил давсныг хилчид илрүүлжээ. Сарлагийг тухайн чиглэлээр нь буцаан гаргаж, Хилийн бүрэн эрхт төлөөлөгчийн шугамааар ОХУ-ын талд мэдэгдсэн байна. Мөн тус өдөр Дорнод аймаг дахь хилийн отрядын хариуцсан хэсгээр ОХУ-ын талаас бэлчээрээр найман толгой үхэр улсын хил даван орж ирснийг тухайн чиглэлээр нь буцаан гаргаж, Хилийн бүрэн эрхт төлөөлөгчийн шугамаар ОХУ-ын талд мэдэгджээ.