Өнөөдөр МБШТөв Гандантэгчэнлин хийдэд өглөө 09.00-15.00 цаг хүртэл “Сандуйн Жүд” хурах юм байна.
“Сандуй буюу Нууцын Хураангуй” хэмээх энэхүү номонд Бурханы шашин хураагддаг бөгөөд Монголчууд эрт дээр үеэсээ энэхүү номыг ихэд онцгойлон шүтэж биширсээр иржээ. Үүний нэг илрэл нь билэг ухаант өвөг дээдэс маань тус номыг мөнгөн хуудасыг товойлгон алтаар бүрж, шүр, сувд зэрэг эрдэнэсээр чимэглэн урлан бүтээсэн явдал юм. Энэ гайхамшигт бүтээл өдгөө дэлхийн өвд бүртгэгдсэн байна.
“Сандуйн Жүд” уншсан хүний салхин доогуур гарахад нүгэл хилэнц ариусч байдаг хэмээх ба тус ном нь гэнэтийн осол аваар, цаг бусын үхэл, хэрүүл тэмцэл, гай зовлон бүгдээс авран сахих нигуртай тул Монголчууд эрт дээр үеэс тус судрыг үргэлж биедээ авч яван, “Сандуйн Жүд”-ийн хураангуйг сүсэглэн бишрэн уншиж явдаг байжээ.