Монголын Үндэсний олимпийн хорооны дээд шагнал “Алтан-Од”, “Алтан-Очир” одонгоор энэ онд спортын өндөр амжилт гаргасан тамирчдыг шагналаа. Монгол улсын хөдөлмөрийн баатар, гавьяат тамирчин О.Гүндэгмаа, “Монгол Глобал” компаний захирал буудлагын спортын мастер Б.Ганбаяр нар МҮОХ-ны дээд шагнал “Алтан од” одон хүртжээ.
Энэхүү шагнал нь Олон улсын олимпийн хорооны шагналд тооцогддог бөгөөд тухайн шагналыг гардсан хүмүүсийн намтар нь ОУОХ-нд хадгалагддаг байна.
Мөн шигшээ багийн ахлах дасгалжуулагч МУГД Л.Ундралбат, ОУХМ Ц.Мөнхзул нар “Алтан-Очир” одонгоор шагнууллаа.