Өвлийн бэлтгэл ажлын хүрээнд хийсэн судалгаагаар 140 гаруй мянган малчин өрх, 50 орчим сая мал өвөлжинө гэсэн тооцоог салбарын яамнаас гаргаад байгаа юм. Одоогоор өвөлжилт хүндэрсэн аймаг, сумын мэдээ ирээгүй. Энэ нь нийт нутгаар цас багатай дулаахан байгаатай холбоотой гэдгийг албаныхан хэлж байна. Гэхдээ ирэх саруудад олон жилийн дунжаас ахиу цас орж, хүйтрэх учраас өнөөдрийн нөхцөл байдалд тайвширч болохгүй гэж салбарын яамнаас сануулж байна.