ШШГЕГ-ын харьяа Зайсангийн хорих 411 дүгээр ангиас өчигдөр хоригдол оргожээ. Өчигдөр оройн 20.30 цагийн үед тус хорих ангийн “Амьдралын бүс”-д ажил хийж байсан Алтаншагай гэгч хоригдол оргосон байна. н.Алтаншагай нь өнгөрсөн оны наймдугаар сард Эрүүгийн хуулийн 145.2-т зааснаар 2.6 жилийн хорих ялаар шийтгүүлсэн, 16 настай эрэгтэй аж. Түүнийг эрэн сурвалжлах ажиллагаа үргэлжилж байгаа гэнэ.